बिबश जि एम०२ फागुन २०७९
०२ फागुन २०७९प्यूठान नगरपालिका ८ वाग्दुलाको हाडिगैरामा जीप दुर्घटना भएको छ । प्यूठान नगरपालिका ४ बाट खरिबोट जादै गरेको बा ०१०२७ च ७८१६ नम्बरको जीप आज (मंगलबार) दिउँसो २ ः ५० मा दुर्घटना भएको हो ।
जीप अचानक ब्रेकफेल भई अनियन्त्रित भएर दुर्घटना भएको जिल्ला प्रहरी कार्यालय प्यूठानका सुचना अधिकारी सुशिल थापाले जानकारी दिए । सडक देखि करिब एक सय मिटर तल खसि दुर्घटना हुँदा जीपमा सवार चालक सहित ५ जना सामान्य घाइते भएका छन् । घाइतेहरुको जिल्ला अस्पताल बिजुवारमा उपचार भइरहेको छ ।
घाइतेहरु प्यूठान नगरपालिका १० खरिबोटका ५४ गाडी चालक बालाराम गिरी, बर्ष ७९ को रबिलाल गिरी, बर्ष ७० कि हेमा गिरी, झिमरुक गाउपालिका ६ दहखोला बस्ने बर्ष ७५ को नन्दलाल गिरी, बर्ष ७४ कि पुना गिरी गरि ५ जना घाइते भएका छन् । घाइते सबैको अवस्था सामान्य रहेको प्रहरीले जनाएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
