२४ असोज, प्यूठानतिखाचुली युवा क्लव रजवाराले विजयादशमीको अवसरमा आयोजित वृहत मेला र प्रतियोगिताको तयारी तिव्र रुपमा अगाडि वढाएको छ। कार्तिक ३ गतेदेखि सुरु हुने मेला तथा प्रतियोगिताको तयारी तिव्र पारिएको क्लवका अध्यक्ष जोगिन्द्र मल्लले वताए।
क्लवले आज विजुवार जुम्रीमा पत्रकार सम्मेलन आयोजना गरी कार्यक्रम वारे जानकारी गराएको छ। “हामिले विगत दुई दशकदेखि प्रतियोगीता आयोजना गर्दै आएका छौं।” अध्यक्ष मल्ले भने– “खेलकुद रजवाराको पहिचान जस्तै भएको छ।”
कार्यक्रममा नेपाल पत्रकार महासंघ प्यूठानका अध्यक्ष महाविर रानाले रजवारामा हुने प्रतियोगिता जिल्लाकै पहिचान वनेको र शान्तिसुरक्षाको विषयमा संवेदनसिल वन्न सुझाव दिनुभयो। यस्तै महासंघका पुर्व अध्यक्ष सुशिल पोख्रेलले वाह्य भन्दा मौलिक संस्कृतिमा जोड दिन सुझाव दिनुभयो।
कार्यक्रममा पुरुष भलिवन, महिला भलिवल, पुरुष तथा महिला रस्साकस्सि र खुल्ला नृत्य प्रतियोगिता आयोजना गरिएको छ।
