२०८० जेठ १०/राप्ती गाउँपालिका दाङ्ग५ वर्षदेखि उपचार नपाएर पेटमा पारिएको प्वालवाट दिसा चुहाउदै कष्टकर जिवन बाँचिरहेका दाङ्गको राप्ती गाउँपालिका वर्डा नं ९ का वालक सन्तोष कुमार पुनको निशुल्क उपचार हुने भएको छ ।
अवको एक हप्ताभित्र बालकको निशुल्क उपचारका लागि कान्ति बाल अस्पत्ताल काठमाण्डौ लग्ने तयारी गरिएको राप्ती गाउँपालिकाका अध्यक्ष प्रकाश विष्टले वताए ।
राप्ती गाउँपालिकाको अनुरोधमा सिद्धार्थ बाल तथा महिला अस्पत्ताल आम्दाका बालरोग बिशेषज्ञ डा. सन्तोष पोख्रेलको टोलिले काठमाण्डौमा निशुल्क अपरेशन गर्ने भएको छ । भने, काठमाण्डौ सम्म जान र त्यहाँ बसुन्जेलको खर्च राप्ती गाउँपालिकाले व्यहोर्ने अध्यक्ष विष्टले वताए ।
मंगलवार झुलेनी पोष्ट अनलाईनवाट ‘मलद्वार नभएका दाङ्गका वालकले उपचार अभावमा पेटवाटै दिसा खसाउछन् (भिडियोसहित)’ शिर्षकमा समाचार प्रकाशित भएपछी चौतर्फि चासो वढेको थियो ।
जन्मदै मलद्वारको प्वाल नभएका वालक सन्तोषको पेटमा चिकित्सकले वनाईदिएको प्वालवाट दिसा वग्ने गरेको छ । ५ महिनापछी अपरेशन गर्ने भनेर चिकित्सकले पठाएका बालकको आर्थिक अभावमा ५ वर्षसम्म उपचार हुन सकेको थिएन ।
समाचार प्रकाशन भएसंगै गाउँपालिका अध्यक्ष प्रकाश विष्टले उपचारको लागि पहल थालेका थिए । २४ घण्टा नवित्दै उनको निशुल्क उपचार हुने निस्चित भएको छ । बच्चाको उपचार हुने भएपछी परिवार खुसी भएका छन् ।
