सडक माथिबाट आएको पहिरोले अवरुद्ध भएको प्यूठान भालुबाङ सडक खुलाउने प्रयास भैरहेको छ । सोमवार विहानदेखि अवरुद्ध सडक खुलाउने प्रयास जारी राखेको सडक डिभिजन कार्यालय प्यूठानले जनाएको छ ।

एउटा एस्काभेटर सहित ३ वटा मेसीन लगाएर सडक खुलाउन काम गरिरहेको सडक डिभिजन कार्यालय प्यूठानका प्रमुख राजिव श्रेष्ठले जानकारी दिए । ठूला ठूला ढुंगा सहितको पहिरो आएका कारण सडक खुलाउन समय लागेको हो । सडकको दुबै तर्फबाट मेसिनले काम गरिरहेको श्रेष्ठले बताए ।

मेसिनले काम गरी राखेकाले अवको दुई घण्टा भित्रमा अवरुद्ध सडक खुल्ने सडकको स्थलगत अवलोकन गर्न पुगेका प्रमुख जिल्ला अधिकारी मदन कोइरालाले जानकारी गराए । पहिरोका कारण माण्डवी गाउँपालिका १ स्थित गर्जेनीमा सडक अवरुद्ध भएको हो ।