झुलेनी नेटवर्क२०८० भदौ ३
२०८० भदौ ३मल्लरानी गाउँपालिका ३ मा स्थानीयको सहभागितामा जनश्रमदान गरिएको छ । शनिबार ३ नं वडाको मुनडाडाँ–बर्बाेट–चुजाठाटी सम्म जोड्ने मोटरबाटो मर्मत, नाली सफा तथा नाली बनाउने कार्य गरिएको हो ।
करिब ३ सय जना स्थानीयको सहभागितामा जनश्रमदान गरिएको वडाध्यक्ष नोमराज पौडेलले जानकारी दिए । गाउँपालिका उपाध्यक्ष रमेश श्रेष्ठ र वडा अध्यक्ष नोमराज पौडेल समेत जनता सँग जोडिएका थिए ।
आफ्नो गाउँ आफै बनाउ भन्ने भावका साथ उनीहरु श्रमदानमा खटिएको अध्यक्ष पौडेलले बताए । स्थानीय सँगै जनप्रतिनिधि श्रमदानमा लागि परेपछि स्थानीयलाई हौसला प्रदान भएको छ । बर्षाको समयमा वडाका विभिन्न स्थानमा पहिरो गएर सडक अवरुद्ध हुने समस्या भएपछि स्थानीय श्रमदानमा जुटेका हुन् ।
जनश्रमदानमा गाउँपालिका उपाध्यक्ष, वडाध्यक्ष, पूर्व वडाध्यक्ष, वडा सदस्यहरु, शिक्षक, स्थानीय लगायतको सहभागि थिए ।
