News Portal

रेडियो सुन्नुहोस्

अपांगता भएका व्यक्तिले सुविधा नपाएको गुनासो

बिबश जि.एम२०८० फागुन २९
८० पटक
२०८० फागुन २९

अपांगता भएका व्यक्तिले राज्यबाट पाउनुपर्ने सेवा सुविधा नपाएको भन्दै अपांग संघका सदस्यहरुले गुनासो व्यक्त गरेका छन् । मंगलबार सिबिआर कार्यक्रम अन्तर्गत गौमुखी गाउँपालिकाका सरोकारवाला निकायहरुबीच अपांगता मैत्री भौतिक संरचना निर्माण विषयक अन्तरकृया कार्यक्रममा सहभागी व्यक्तिहरुले यस्तो बताएका हुन् । अपांगता भएका व्यक्तिको बारेमा कार्यक्रम र नारा मात्र बनाउने तर आफुहरुले पाउने सेवामा कुनै चासो नदेखाएको भन्दै यस विषयमा सबैले गम्भिर भएर सोच्न उनीहरुले सरोकारवाला निकायको ध्यानाकर्षण समेत गराएका छन् ।

गौमुखी गाउँपालिकाका अध्यक्ष बिष्णु कुमार गिरीले अब बन्ने संरचनाहरु अपांग मैत्री बनाउने बताएका छन् । यस विषयमा आफुले नजिकबाट नै नियालेको बताउँदै अध्यक्ष गिरीले भोलिका दिनमा बन्ने भौतिक संरचनाहरु अपांग मैत्री बन्नेमा ढुक्क हुन समेत विश्वास दिलाएका छन् ।

अपांग मैत्री तथा अपांग सेवा संघको अवस्थाबारे कार्यपत्र प्रस्तुत अपांग सेवा संघ लुम्बिनी प्रदेशका सचिवालय सदस्य जुमानसिंह के.सीले गरेका थिए । कार्यक्रममा विभिन्न राजनीतिक दलका प्रतिनिधि, विभिन्न शाखाका शाखा प्रमुख, अपांग सेवा संघका प्रतिनिधि, स्थानीय लगायतको सहभागिता रहेको थियो ।

राष्ट्रिय सेवा संघ प्यूठानको आयोजना तथा सामाजिक विकास डिभिजन कार्यालय प्यूठानको सहयोगमा कार्यक्रम भएको हो । गौमुखी गाउँपालिकाको सभाहलमा संचालन भएको कार्यक्रमको सहजिकरण अपांग सेवा संघ प्यूठानका सचिव राजेन्द्र रावत क्षेत्रीले गरेका थिए ।

 

प्रतिकृया दिनुहोस्

रक्तदाता दिवसको अवसरमा प्यूठानमा १५ जनाले गरे रक्तदान

विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना...

प्यूठानको ऐरावतीमा भिरबाट लडेर एक पुरुषको मृत्यु

प्यूठानको ऐरावती गाउँपालिकामा एक पुरुषको भिरबाट लडेर मृत्यु भएको छ । शुक्रबार विहान साढे ११...

माण्डवी गाउँपालिकाले दिगो विकास लक्ष्यको स्थानीयकरण गर्दै

माण्डवी गाउँपालिकाले दिगो विकास लक्ष्यको स्थानीयकरणका लागि कार्य सुरु गरेको छ । संयुक्त राष्ट संघमार्फत...

एकै दिनमा २ सय ५० जनाले आँखा जाँच गराए

आँखा अस्पताल बिजुवारमा एक दिने शिविर सम्पन्न भएको छ । शिविरबाट २ सय ५० जनाले...

जिल्ला पूर्ण खोप सुनिश्चितता घोषणा गर्ने तयारीमा

प्यूठान जिल्लाका सबै स्थानीय तह पूर्ण खोप सुनिश्चितता पालिका घोषणा भएका छन् । जन्मेदेखि १५...