बस दुर्घटनामा परी एक पत्रकार सहित ९ जनाको मृत्यु भएको छ । रुकुम पूर्वबाट काठमाडौंका लागि छुटेको बागमती प्रदशे ०१–००६ ख ३८७९ नम्बरको बस सोमबार साझ बागलुङको निसीखोला गाउँपालिका ६ जाउलेपानीस्थित मध्यपहाडी लोकमार्गमा दुर्घटना भएको थियो ।

र्घटनामा परी ज्यान गुमाउनेहरुमा रुकुम पूर्व सिस्ने गाउँपालिका ५ रुमालबाराका २५ बर्षिय पत्रकार विक्रम परियार, रुकुम पश्चिम मुसिकोट १ की २७ बर्षिया बिनिता के.सी, मुसिकोट नगरपालिका २ रातामाटाका बसधनी बबि ददेल नेपाली, मुसिकोट नगरपालिका–४ सोलाबाङकी ३५ बर्षिया टीका के.सी, मुसिकोट नगरपालिका–३ साँखकी कल्पना के.सी, दाङ घर भएका १८ बर्षिय लक्की पुन मगर, गोरखा घर भएकी गीता थापा, ललितपुरका सुजन महर्जन र रोल्पा घर भएका बास चालक सुवास गौतम भनेर चिनिने मानसिंह वि.क रहेका जिल्ला प्रहरी कार्यालय बाग्लुङले जनाएको छ ।

दुर्घटनामा परी २६ जना घाइते मध्ये २१ जनाको धौलागिरी अस्पताल बागलुङ र ५ जनाको मणिपाल अस्पताल पोखरामा उपचार भईरहेको जिल्ला प्रहरी कार्यालय बागलुङका सूचना अधिकारी मदन के.सी ले जानकारी दिए ।उनका अनुसार बस सडकदेखि करिब १ सय ५० मिटर तल खेसको छ ।