News Portal

रेडियो सुन्नुहोस्

सामुदायिक विपद व्यवस्थापन समितिको क्षमता वृद्धि तालिम प्यूठान नगरपालिकामा

बिबश जि.एम२०८० चैत १४
१०१ पटक
२०८० चैत १४

प्यूठान नगरपालिकामा समुदायको अगुवाईमा विपद जोखिम न्युनिकरण परियोजना अन्तर्गत सामुदायिक विपद व्यवस्थापन समितिको क्षमता वृद्धि तालिम सञ्चालन भएको छ । प्यूठान नगरपालिका ३ र ५ मा रहेका समितिका पदाधिकारीहरुलाई प्रशासन, वित्तीय व्यवस्थापन र नेतृत्व विकास सम्बन्धी तालिम होटल आयुष्मा जुम्रीमा बुधबारदेखि सुरु भएको छ ।

प्यूठान नगरपालिका ३ मा रहेको जिबावती सामुदायिक विपद व्यवस्थापन समिति, लालिगुँरास सामुदायिक विपद व्यवस्थापन र वडा नं ५ मा रहेको नेपाने सामुदायिक विपद व्यवस्थापन समिति, लिस्ने सामुदायिक विपद व्यवस्थापन समितिका पदाधिकारीहरुका लागि तालिम सञ्चालन गरिएको हो । प्रत्येक समुहबाट ६/६ जना गरी २४ जनालाई बुधबार र विहिबार गरी २ दिने तालिम सञ्चालन गरिने नेपाल रेडक्रस सोसाईटी जिल्ला शाखा प्यूठानले जनाएको छ ।

तालिममा संस्था सञ्चालन कसरी गर्ने, संस्था सञ्चालनको गठन प्रक्रिया के हो, पुर्नगठन कसरी गर्ने, माइनट लेखन र व्यवस्थापन, निवेदन लेखन, विभिन्न सरोकारवालाहरुसँग कसरी समन्वय गर्ने लगायतका विषयमा जानकारी गराईने नेपाल रेडक्रस सोसाईटी चितवन जिल्ला शाखाका उपमन्त्री महेश्वर थपलियाले बताए ।

नेपाल रेडक्रस सोसाईटीका केन्द्रिय सदस्य तथा प्यूठान जिल्ला शाखाका सभापति गुमानराज पुलामीको अध्यक्षतामा सञ्चालन भएको कार्यक्रममा स्वागत मन्तव्य रेडक्रस प्यूठानका उपमन्त्री पार्वता आचार्य तथा कार्यक्रमको सहजिकरण देविराम शर्माले गरेका थिए ।

नेपाल रेडक्रस सोसाईटी जिल्ला शाखा प्यूठानको आयोजनामा भएको कार्यक्रमको समन्वय प्यूठान नगरपालिका रहेको छ । २ दिन सम्म चल्ने तालिमको प्रशिक्षक नेपाल रेडक्रस सोसाईटी चितवन जिल्ला शाखाका उपमन्त्री महेश्वर थपलिया र देविराम शर्माले गर्ने भएका छन् ।

प्रतिकृया दिनुहोस्

रक्तदाता दिवसको अवसरमा प्यूठानमा १५ जनाले गरे रक्तदान

विश्व रक्तदाता दिवस प्यूठानमा पनि मनाईएको छ । नेपाल रेडक्रस सोसाईटी जिल्ला शाखा प्यूठानको आयोजना...

प्यूठानको ऐरावतीमा भिरबाट लडेर एक पुरुषको मृत्यु

प्यूठानको ऐरावती गाउँपालिकामा एक पुरुषको भिरबाट लडेर मृत्यु भएको छ । शुक्रबार विहान साढे ११...

माण्डवी गाउँपालिकाले दिगो विकास लक्ष्यको स्थानीयकरण गर्दै

माण्डवी गाउँपालिकाले दिगो विकास लक्ष्यको स्थानीयकरणका लागि कार्य सुरु गरेको छ । संयुक्त राष्ट संघमार्फत...

एकै दिनमा २ सय ५० जनाले आँखा जाँच गराए

आँखा अस्पताल बिजुवारमा एक दिने शिविर सम्पन्न भएको छ । शिविरबाट २ सय ५० जनाले...

जिल्ला पूर्ण खोप सुनिश्चितता घोषणा गर्ने तयारीमा

प्यूठान जिल्लाका सबै स्थानीय तह पूर्ण खोप सुनिश्चितता पालिका घोषणा भएका छन् । जन्मेदेखि १५...