जिल्ला सहकारी संघ लिमिटेड प्यूठानलाई निःशुल्क जग्गा प्राप्त भएको छ । शुक्रबार प्यूठान नगरपालिका वडा नं ४ जाल्पाटोल निवासी लोकमणी भण्डारीले जिल्ला सहकारी संघको भवन निर्माणका लागि निःशुल्क जग्गा प्रदान गरेका छन् ।

स्व. पिता हरि र आमा कालिका भण्डारीको स्मृतिमा जिल्ला सहकारी संघ लिमिटेड प्यूठानको भवन निर्माणका लागि करिब २ आना बराबरको जग्गा उपलब्ध गराएको संघका अध्यक्ष सुशील पोख्रेलले जानकारी दिए । अध्यक्ष पोख्रेलका अनुसार जग्गा निःशुल्क प्राप्त भएसँगै भवन निर्माणका लागि आधार तय भएको छ ।

लामो समयदेखि मुक्ति माध्यामिक बिद्यालय रातामाटामा शिक्षकको रुपमा कार्यरत लोकमणि भण्डारी पछिल्लो समयमा सामाजिक कार्यमा समेत सक्रिय हुँदै आएका छन् ।