प्यूठानमा ३ वटा मोटरसाईकल एकआपसमा ठोकिदा १ जना गम्भिर घाइते भएका छन् । बुधबार मध्यान्ह १२ बजेको समयमा प्यूठान नगरपालिका –७ गाजुरी मा मोटरसाईकल दुर्घटना भएको हो ।

बिजुवारबाट बाग्दुला तर्फ जाँदै गरेको ल. ६९ प. ६५६३, लु .२३ प. १९५१ र बिपरीत दिशाबाट आउँदै गरेको ग. १८ प. ७२०९ नं .को मोटरसाईकल एकआपसमा ठोकिएको हो । प्यूठान नगरपालिका –७ पुन्यखोला बस्ने २१ बर्षका बब्लु नेपालीको बाँया खुट्टा र टाउँकोमा चोट लागेको छ । उनको अवस्था गम्भिर रहेको र जिल्ला अस्पताल बिजुवारमा सामान्य उपचारपछि थप उपचारका लागि बुटवल रिफर गरिएको जिल्ला प्रहरी कार्यालय प्यूठानले जनाएको छ ।

अन्य ३ जनाको भने जिल्ला अस्पताल बिजुवारमा उपचार भईरहेको छ । घाइतेहरुमा गौमुखी गाउँपालिका ३ का वडाध्यक्ष ६० बर्षका जंग बहादुर पुन, प्यूठान नगरपालिका ३ साढेखोलाका २५ बर्षिय आकाश के.एम, सोही ठाउँका २८ बर्षिय श्रषि धामी रहेका छन् ।