![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2024/05/Untitled-1-copy-2-768x400.jpg)
राष्ट्रिय युवा संघ नेपालले आफ्नो ३५ औं स्थापना दिवस विभिन्न कार्यक्रम गरी मनाएको छ । स्थापना दिवसको अवसरमा युवा संघ प्यूठानले रक्तदान र आर्थिक सहयोग गरेको छ । संघले मंगलबार रक्त सञ्चार केन्द्र बिजुवारमा रक्तदान कार्यक्रम गरेको हो ।
साथै संघले जिल्ला अस्पताल बिजुवारमा उपचाररत रहेका आर्थिक अवस्था कमजोर भएका विपन्न परिवारलाई आर्थिक सहयोग समेत गरेर स्थापना दिवस मनाएको राष्ट्रिय युवा संघ नेपाल जिल्ला कमिटी प्यूठानका अध्यक्ष बिशेक थापाले जानकारी दिए । उनका अनुसार ऐरावती गाउँपालिका–६ विजुलीकोटका १४ महिने शिशु सीता अधिकारीलाई नगद १० हजार र झिमरुक गाउँपालिका–३ आहालखोला बस्ने ६१ वर्षीय फुर्सी सुनारलाई नगद ५ हजार रुपैंया आर्थिक सहयोग प्रदान गरेको हो ।
राष्ट्रिय युवा संघ नेपाल जिल्ला कमिटी प्यूठानका अध्यक्ष बिशेक थापाको अध्यक्षतामा भएको कार्यक्रममा नेकपा (एमाले) जिल्ला कमिटी प्यूठानका अध्यक्ष विजयविराज विष्टको प्रमुख आतिथ्यता रहेको थियो भने युवा संघका स्थायी कमिटी सदस्य तथा प्यूठान जिल्ला इन्चार्ज पिमबहादुर पुनमगरको विशेष आतिथ्यता रहेको थियो ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)