प्यूठानको ऐरावती गाउँपालिकामा एक पुरुषको भिरबाट लडेर मृत्यु भएको छ । शुक्रबार विहान साढे ११ बजेको समयमा ऐरावती गाउँपालिका बिजुली काल्ने निवासी ७१ बर्षिय बृद्ध मंगलसिंह खत्रीको भिरबाट लडेर मृत्यु भएको धरमपानी स्वास्थ्य चौकीका प्रमुख टुकाराम पोख्रेलले जानकारी दिए । उनका अनुसार घर नजिकै रहेको हाडीखोला माथीको पखेरामा गएका बेला भिरबाट लडेर मृत्यु भएको हो ।

घटना स्थलमा प्रहरीले मुचुल्का तयार गरिरहेको पोख्रेलको भनाई छ । पोष्टमार्टमको लागि प्यूठान अस्पतालबाट डा. राजेन्द्र पौडेल सहितको टिम घटना स्थल जाने तयारीमा रहेको छ ।

घटनाको प्रकृति हेर्दा छारे रोगको विरामी रहेको र रिंगटा लागेर भिरबाट लडेर मृत्यु भएको हुन सक्ने स्वास्थ्य चौकी प्रमुख पोख्रेलले जानकारी दिए । भिरदेखि करिब एक सयम मिटर तल खसेर उनको मृत्यु भएको हो ।