प्यूठानमा गाडी दुर्घटना हुँदा आठ जना घाइते भएका छन् । बहानेबाट सुत्लावाङको लागि छुटेको लु १ प ८०५१ नं को बोलेरो पिकअप जिप आइतबार साँझ करिब साढे ७ बजेको समयमा नौबहिनी गाउँपालिका ४ खवाङको सुत्लावाङमा दुर्घटना भएको हो ।

उकालो चढ्ने क्रममा ब्रेक फेल भई दुर्घटना भएको हुन सक्ने नौबहिनी गाउँपालिका ३ का वडाध्यक्ष दिल बहादुर के.सीले जानकारी दिए । उनका अनुसार बाटोदेखि ६ मिटर तल खसेको छ । घाइतेहरुलाई उपचारको लागि जिल्ला अस्पताल विजुवार पठाईएको वडाध्यक्ष के.सी को भनाई छ ।

इलाका प्रहरी कार्यालय बहानेबाट प्रहरीको टोली घटना स्थलमा आउने तयारीमा रहेको अध्यक्ष के.सीले बताए । थप विवरण आउन बाँकी रहेको छ ।