झिमरुक गाउँपालिका अध्यक्ष चढेको गाडी चालक माथी अज्ञात समुहले आक्रमण गरेका छन् । शनिबार साझ करिब ५ः५५ को समयमा बाग्दुलाबाट मच्छि जाँदै गरेको भे १ च ३९९३ नं को गाडीमा बाग्दुला पुल नजिकै नचिनेका ४ जनाको समुहले चालकमाथी आक्रमण गरेको झिमरुक गाउँपालिकाका अध्यक्ष पित बहादुर महतरा क्षेत्रीले बताए ।

अध्यक्ष क्षेत्रीका अनुसार मोटरसाईकलमा आएका ४ जनाको समुहले आफु चढेको गाडी चालकमाथी हातपात गर्न खोजेपछि आफुले सम्झाउँदा समेत नमानेर उल्टै आफुलाई दुर्व्यवहार गरेका हुन् । चालकको आँखामा चोट लागेपछि उपचार गरेर चालकले आराम गरेका छन् । अध्यक्ष क्षेत्रीले दिएको जानकारी अनुसार दुई जनालाई प्रहरीले नियन्त्रणमा लिएको छ भने अन्य दुई जनाको प्रहरीले खोजी कार्य जारी राखेको छ ।