२०७८ कार्तिक १६जनज्योति सामुदायिक विकास केन्द्र टिकुरि प्यूठानले जिल्लाव्यापी दौड प्रतियोगिता सम्पन्न गरेको छ । केन्द्रको ४१ औ वार्षिक उत्सवको अवसरमा मंगलवार बिहान पुरुष तथा महिला प्रितयोगिता आयोजना गरीएको हो । ३ दशमलव ५ किलो मिटर दुरी रहेको दौडमा पुरुष तर्फ नविन जिसि प्रथम, नरेश धामि द्वितिय र बिनोद बस्नेतले तृतिय स्थान हासिल गरेका छन् ।
त्यसैगरी महिला तर्फ कान्ति सापकोटा प्रथम, नविना घर्ति द्वितिय र सपना शर्माले तेस्रो स्थान हासिल गरेकी छिन । बिजेताहरुहरुलाइ बिहिवार वार्षिकउत्सवको दिन पुरस्कार वितरण कार्यक्रम राखीएको छ । स्वास्थ्यका लागि खेलुकद रास्ट्रका लागी खेलकुद भन्ने मूल नाराका साथ आयोजित प्रतियोगितामा १५ वर्ष माथि उमेर समुहका जिल्लाभरका दौड खेलाडिहरु सहभागि रहेको कार्यक्रम संयोजक माधव पोख्रेलले बताए ।
दौड प्रतियोगितालाई अस्थायी प्रहरी चौकी बाग्दुलाले ट्राफिक व्यवस्थापनमा सहयोग गरेको उनले बताए । केन्द्रले हरेक वर्ष लक्ष्मी पुजाको दिन विविध कार्यक्रम आयोजना गर्दै आएको छ ।
