झुलेनी नेटवर्क१० माघ,दाङ्ग
१० माघ,दाङ्गलागु औषध र लेनदेन मुद्धाका दुई फरार प्रतिवादीलाई दाङ प्रहरीले पक्राउ गरेको छ । दाङ देउखुरी जिल्ला अदालतबाट २०७७ असार २१ गते लागुऔषध मुद्धामा ४ बर्ष ५ मिहना कैद सजाय फैसला भई फरार रहेका तुलसीपुर ५ का ३६ वर्षिय सिमम कुरेसी र जिल्ला अदालतबाटै २०७७ चैत ५ गते लेनदेन मुद्धामा १ बर्ष कैद सजाय फैसला भई फरार रहेका घोराही १० का ४५ वर्षिय पशुपति आचार्यलाई पक्राउ गरिएको हो ।
लागुऔषध मुद्धामा फरार रहेका कुरेसीलाई १ वर्ष ७ महिना पछि र लेनदेन मुद्धाका आचार्यलाई ११ महिना पछि पक्राउ गरिएको जिल्ला प्रहरी कार्यालय दाङले जनाएको छ । आचार्यलाई शनिबार घोराही १० मा लुकिछपी बसेको अवस्थामा र कुरेसीलाई हिजो विहान तुलसीपुर ५ मै लुकिछपी बसेको अबस्थामा पक्राउ गरी आज दाङ देउखुरी जिल्ला अदालतमा बुझाईएको प्रहरीले जानकारी दिएको छ ।
खोज रफ्तार
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
