२०७८ चैत ०२ प्यूठान स्मार्ट कृर्षि गाउँ कार्यक्रम अन्तर्गत प्यूठानको माण्डवी गाउँपलिका वडा नं.२ का ६१ कृर्षकहरुलाई २/२वटाका दरले क्यारेट वितरण गरिएको छ । एकीकृत कृषि तथा पशुपंक्षी विकास कार्यलय खलंगा प्यूठानको आर्थिक सहयोगमा नमुना कर्षि गाउँ बनाउने उद्देश्य सहित अगाडि सारिएको योजना अनुसार क्यारेट वितरण गरिएको मर्कावाङ स्मार्ट कृर्षि गाउँ कार्यक्रमका कृर्षि प्राविधिक सहजकर्ता शिवराज शर्माले जानकारी दिए । यस अघि कार्यक्रमले स्मार्ट कृषि गाउँ कार्यक्रम सुरुभएको केही महिना भित्रै कृर्षि उत्पादन दोब्बर बनाउँदै कृषिमा आत्मनिर्भर प्रदेश बनाउँने उद्देश्यकासाथ संचालित स्मार्ट कृषि गाउँ कार्यक्रम अन्तर्गत छनौटमा परेका प्रत्येक कृषकहरुको घर ,घरमा स्मार्ट कृषि पोखरी, समेत निमार्ण गरिसकेको छ । पछिल्लो समय स्मार्ट कृर्षि गाउँ कार्यक्रम प्यूठानको माण्डवी गाउपलिका वडा नं. २ मर्कावाङमा प्रभावकारी बन्दै गएको छ ।
त्यहाँका कृषकहरुले मौषमी तथा वेमौषमी रुपमा टमाटर, आलु, अदुवा, सिम्लामिर्च, बन्दा, काउली लगायतका तरकारी बालीहरु प्रशस्त मात्रामा उत्पादन गर्दै आएका छन् । यस कार्यक्रम मार्फात अब त्यहाँका कृर्षकहरुलाई कृर्षिमा सहजता दिनका लागि थप एक एक वटा क्यारेट र हाते ट्याक्टर समेत वितरण गरिने कृषि सहजकर्ता शर्माको भनाई छ ।
