झुलेनी नेटवर्क२०७८ चैत १८, प्यूठान
२०७८ चैत १८, प्यूठान प्यूठानमा बसले ठक्कर दिँदा एक बालकको ज्यान गएको छ । शुक्रबार बिहान जिल्लाको नौबहिनी गाउँपालिका वडा नं.४ खवाङ्यबाट बिजुवार तर्फ आउदै गरेको लु १ ख ७०२१ नम्बरको बसले ठक्कर दिँदा सोही ठाउँ निवासी ८ वर्षिय बालक सरोेज पुन गम्भिर घाईते भएका थिए ।
घाईते बालकलाई उपचारका लागि प्यूठान अस्पतालमा ल्याइएको थियो । उनको उपचारको क्रममा विहान साढे ११ बजे मृत्यु भएको जिल्ला प्रहरी कार्यालय प्यूठानका प्रहरी निरिक्षक देबी प्रसाद गैरेले जानकारी दिए ।
ठक्कर दिने बस चालक सरुमारानी गाउँपालिका वडा नं.६ निवासी ओपेन्द्र घर्ती प्रहरीको नियन्त्रणमा रहेका छन । मृतक बालकको शव प्यूठान अस्पताल विजुवारमा राखिएको प्रहरी निरीक्षक गैरेले बताए ।
