आगामी असोज २८ गते देखी कार्तिक ३ गते सम्म पोखरामा संचालन हुन लागेको नवौ राष्ट्रिय खेलकुद प्रतियोगिता लागि प्यूठानबाट ८ वटा विधामा खेलाडी छनौट गरिएको छ ।

जसअन्तर्गत भलिबल खेलतर्फ महिला, पुरुष १२ /१२ जना खेलाडी, कपर्डि प्रतियोगितातर्फ महिला, पुरुष १०/१० जना, फुटबल प्रतियोगितातर्फ पुरुष १४ जना, क्रिकेट प्रतियोगितातर्फ १५ जना, ब्याडमिन्टन प्रतियोगितातर्फ ३ जना पुरुष खेलाडी, एथलेटिक्थस खेलतर्फ महिला, पुरुष खेलाडीहरु १० जना, कराते प्रतियोगितातर्फ महिला, पुरुष ४/४ जना खेलाडी, टाईगन टु खेलतर्फ महिला, पुरुष ४/४ जना खेलाडी छनौट गरिएको जिल्ला खेलकुद विकास समिती प्यूठानका उपाध्यक्ष विमल प्रसाद पोख्रेलले जनाकारी दिए ।

उनका अनुसार ८ वटा विधामा जिल्लाका नौ वटै स्थानीय तहका १सय२ जना खेलाडीहरु छनौट गरिएको छ । यस्तै वैकल्पीक तर्फ ८ वटै विधाका लागि २/२ जना खेलाडीहरु छनौट गरिएको छ ।

अबको एक हप्ता सम्म खेल संचालन गरि छनौट गरिएका खेलाडीहरु मध्येबाट पनि उत्कृष्ट खेलाडी छनौट गर्ने उपाध्यक्ष पोख्रेलले बताए ।